Mon. Aug 8th, 2022

એવું કહેવાય છે કે વ્યક્તિને તેના કર્મ પ્રમાણે ફળ મળે છે. જે પ્રેમભાવથી વ્યક્તિ બીજા પ્રત્યે પ્રેમ દર્શાવે છે, તે જ રીતે તેને પણ તેવો જ પ્રેમ મળે છે. આવો જ નજારો ઓરિસ્સાના કટક જિલ્લામાં જોવા મળ્યો હતો. અહીં એક રિક્ષા ચાલકે વૃદ્ધ મહિલાની નિ:સ્વાર્થ સેવા કરી, તો તે મહિલાએ પણ પોતાની તમામ મિલકત તેના નામે કરી દીધી. ઓરિસ્સાનો આ મામલો સોશિયલ મીડિયા પર છવાયેલો છે અને લોકો રિક્ષા ચાલક અને મહિલાના વખાણ કરી રહ્યા છે.

તમને જણાવી દઈએ કે, 63 વર્ષીય મિનાતી પટનાયક કટક જિલ્લાના સુતાહાતા વિસ્તારમાં રહે છે. મિનાતીના પતિ કૃષ્ણ કુમાર પટનાયકનું ગયા વર્ષે અવસાન થયું હતું, ત્યારબાદ મિનાતી તેની પુત્રીના ઘરે રહેવા લાગી હતી. પરંતુ કિસ્મતમાં કંઈક બીજું લખેલુ હતું. પતિનું મૃત્યુ થયું, પરંતુ 6 મહિના પછી મિનાતીની પુત્રી કોમલનું પણ હાર્ટ એટેકથી મૃત્યુ થયું. આવી સ્થિતિમાં મિનાતી ખરાબ રીતે ભાંગી પડી અને એકલી પડી ગઈ. પરિવારના અન્ય સભ્યોએ પણ તેને એકલી છોડી દીધી હતી અને કોઈ તેની મદદ કરતું ન હતું.

આવી સ્થિતિમાં રીક્શા ડ્રાઇવર બુદ્ધ સામલ અને તેનો પરિવાર મિનાતી સાથે ઉભો રહ્યો…. બુદ્ધ સામલે માનવતાના સંબંધનું પૂરેપૂરું ધ્યાન રાખ્યું અને દરેક નાની-મોટી સમસ્યામાં મિનાતીને સાથ આપ્યો. મિનાતીએ જણાવ્યું કે જ્યારે તેની પુત્રી ખૂબ નાની હતી અને શાળાએ જતી ત્યારે માત્ર રિક્ષાચાલક બુદ્ધ સામલ તેને શાળાએ લઈ જતા અને તેની સંપૂર્ણ ખ્યાલ રાખતા હતા.

બુદ્ધ સામલ લગભગ 25 વર્ષથી આ પરિવારની સેવા કરી રહ્યા છે. મિનાતીએ જણાવ્યું કે બુદ્ધ સામલ અને તેનો પરિવાર હંમેશા દરેક મુશ્કેલ ઘડીમાં તેમની સાથે ઉભા રહ્યા જ્યારે તેમને જરૂર પડી અને જ્યારે તેઓ બીમાર પડ્યા ત્યારે તેમને હોસ્પિટલ પણ લઈ ગયા. મિનાતીએ કહ્યું કે તેણીએ પોતાની સંપત્તિ ગરીબોને આપવાને બદલે તે બુદ્ધના પરિવારને આપવાનું નક્કી કર્યું જે નિઃસ્વાર્થપણે સેવા કરી રહ્યા છે.

મિનાતીના કહેવા પ્રમાણે, “મારી બહેન મારા નિર્ણયની વિરુદ્ધ છે. તેમનું કહેવું છે કે આ રીતે મિલકત રિક્ષાચાલકને દાનમાં આપવાની નથી. મારી પુત્રી કોમલના અવસાન બાદ પરિવારમાંથી કોઈએ મારી ખબર પૂછી ન હતી. પરિવારનો કોઈ સભ્ય મને મળવા પણ આવ્યો નથી. બુદ્ધ અને તેમનો પરિવાર છેલ્લા 25 વર્ષથી મારા પરિવારની સાથે છે. કોમલ નાની હતી અને તે શાળાએ જતી ત્યારે બુદ્ધ તેની સંપૂર્ણ સંભાળ રાખતા હતા. બુદ્ધ અને તેમના પરિવારે હંમેશા મારો આદર કર્યો છે. પરિવારના સભ્યો કરતાં મારા પરિવાર માટે પણ વધુ કામ કર્યું.

બીજી તરફ રિક્ષાચાલકનું કહેવું છે કે મિનાતીના પરિવાર સાથે તેને માત્ર માનવીય સંબંધ હતો, તેણે કોઈ લોભમાં કામ કર્યું ન હતું. કોઈ પણ લોભ વગર તેણે આ પરિવારનું ધ્યાન રાખ્યું. બુદ્ધે કહ્યું કે તેમની એક કરોડની સંપત્તિના માલિક બનીને મિનાતીજીએ તેમને ઘણું સન્માન આપ્યું છે. બુદ્ધની પત્ની બૂટીએ કહ્યું કે પુત્રી અને પતિના ગયા પછી મિનાતી જી સંપૂર્ણપણે એકલા પડી ગયા હતા.
તેથી અમે તેમની સંપૂર્ણ કાળજી લીધી. તેમણે બધી સંપત્તિ અમારા નામે કરી દીધી, આ તેમની ખાનદાની અને મહાનતા છે.

By admin

Leave a Reply

Your email address will not be published.